Рейтинг@Mail.ru
Православная литература в формате WORD (.doc) и духовная музыка - Разное / Тексты с переводом / Канон Ангелу Хранителю

Канон Ангелу Хранителю

Тропарь, глас 6
Ангеле Божий, хранителю мой святый, живот мой соблюди во страсе Христа Бога, ум мой утверди во истиннем пути, и к любви горней уязви душу мою, да тобою направляемь, получу от Христа Бога велию милость.
[Ангел Божий, хранитель мой святой, жизнь мою соблюди в страхе Божием, ум мой утверди на истинном пути и воспламени душу мою любовию к небесному, да, тобою направляемый, получу от Христа Бога щедрую милость]

Слава и ныне: Богородичен
Святая Владычице, Христа Бога нашего Мати, яко всех Творца недоуменно рождшая, моли благость Его всегда, со хранителем моим Ангелом, спасти душу мою, страстьми одержимую, и оставление грехов даровати ми.
[Святая Владычица, Мати Христа Бога нашего, Творца всего непостижимо родившая, со хранителем моим Ангелом всегда моли благость Господа спасти душу мою, страстями порабощенную, и оставление грехов даровать мне]

КАНОН, глас 8

Песнь 1
Ирмос: Поим Господеви, проведшему люди Своя сквозе Чермное море, яко един славно прославися.
[Воспеваем Господа, Который провел Свой народ сквозь Красное море, ибо Он торжественно прославился]

Припев: Господи Иисусе Христе Боже мой, помилуй мя.

Песнь воспети и восхвалити, Спасе, Твоего раба достойно сподоби, безплотному Aнгелу, наставнику и хранителю моему.
[Сподоби, Спаситель, меня, Твоего раба, достойно воспеть песнь и восхвалить бесплотного Ангела, наставника и хранителя моего]

Припев: Святый Aнгеле Божий, хранителю мой, моли Бога о мне.

Един аз в неразумии и в лености ныне лежу, наставниче мой и хранителю, не остави мене, погибающа.
[Один я в неразумии и лености ныне лежу, не оставь меня погибающего, наставник мой и хранитель]

Слава: Ум мой твоею молитвою направи, творити ми Божия повеления, да получу от Бога отдание грехов, и ненавидети ми злых настави мя, молюся ти.
[Твоей молитвой направь мой ум к исполнению Божиих повелений, чтобы получить мне от Бога прощение грехов, и наставь меня, молю тебя, ненавидеть зло]

И ныне: Молися, Девице, о мне, рабе Твоем, ко Благодателю, со хранителем моим Aнгелом, и настави мя творити заповеди Сына Твоего и Творца моего.
[Молись, Дева, с хранителем моим Ангелом о мне, рабе Твоем, к Подателю благ и наставь меня исполнять заповеди Твоего Сына, моего Творца]

Песнь 3
Ирмос: Ты еси утверждение притекающих к Тебе, Господи, Ты еси свет омраченных, и поет Тя дух мой.
[Ты - поддержка обращающихся к Тебе за помощью, Господи, Ты - свет омраченных, и воспевает Тебя дух мой]

Святый Aнгеле Божий, хранителю мой, моли Бога о мне.

Все помышление мое и душу мою к тебе возложих, хранителю мой; ты от всякия мя напасти вражия избави
[Я доверил тебе, хранитель мой, все помышления мои и душу мою; избавь меня от всякого вражьего искушения]

Святый Aнгеле Божий, хранителю мой, моли Бога о мне.

Враг попирает мя, и озлобляет, и поучает всегда творити своя хотения; но ты, наставниче мой, не остави мене погибающа.
[Враг попирает меня и причиняет мне зло, и учит всегда исполнять свои хотения; ты же, наставник мой, не оставь меня, погибающего]

Слава: Пети песнь со благодарением и усердием Творцу и Богу даждь ми, и тебе, благому Aнгелу хранителю моему: избавителю мой, изми мя от враг озлобляющих мя.
[Помоги мне с благодарением и усердием петь песнь Творцу и Богу и тебе, желающему мне блага Ангелу, хранителю моему: избавь меня от врагов, причиняющих мне зло, избавитель мой]

И ныне: Исцели, Пречистая, моя многонедужныя струпы, яже в души, прожени враги, иже присно борются со мною.
[Исцели, Пречистая, болезненные раны в душе моей, прогони врагов, которые всегда борются со мной]

Седален, глас 2-й
От любве душевныя вопию ти, хранителю моея души, всесвятый мой Aнгеле: покрый мя и соблюди от лукаваго ловления всегда, и к жизни настави небесней, вразумляя и просвещая и укрепляя мя.
[Хранитель моей души, святейший мой Ангел, от любви души моей взываю к тебе: укрой меня и сохраняй всегда от уловления лукавым, и, вразумляя, просветляя и укрепляя меня, приведи к небесной жизни]
Слава, и ныне: Богородичен:
Богородице безневестная Пречистая, Яже без семени рождши всех Владыку, Того со Aнгелом хранителем моим моли, избавити ми ся всякаго недоумения, и дати умиление и свет души моей и согрешением очищение, Яже едина вскоре заступающи.
[Богородица, не знавшая брака, Пречистая, без семени родившая Владыку всего мира, моли Его вместе с Ангелом хранителем моим, чтобы Он избавил меня от всякого затруднительного положения и дал сокрушение и свет душе моей и очищение согрешений, ибо Ты одна нам скорая заступница]

Песнь 4
Ирмос: Услышах, Господи, смотрения Твоего таинство, разумех дела Твоя, и прославих Твое Божество.
[Услышал я, Господи, тайну промысла Твоего, уразумел дела Твои и прославил Твое Божество]

Святый Aнгеле Божий, хранителю мой, моли Бога о мне.

Моли Человеколюбца Бога ты, хранителю мой, и не остави мене, но присно в мире житие мое соблюди и подаждь ми спасение необоримое.
[Хранитель мой, моли человеколюбивого Бога и не оставь меня, но всегда сохраняй мирной жизнь мою и даруй мне спасение непобедимое]

Святый Aнгеле Божий, хранителю мой, моли Бога о мне.

Яко заступника и хранителя животу моему прием тя от Бога, Aнгеле, молю тя, святый, от всяких мя бед свободи.
[Приняв тебя, Ангел, от Бога как заступника и хранителя жизни моей, молю тебя, святой, избавь меня от всяких бед]

Слава: Мою скверность твоею святынею очисти, хранителю мой, и от части шуия да отлучен буду молитвами твоими и причастник славы явлюся.
[Хранитель мой, очисти мою нечистоту твоей святостью и, по молитвам твоим, да не буду поставлен Господом в день судный по левую сторону, но явлюсь причастником славы]

И ныне: Недоумение предлежит ми от обышедших мя зол, Пречистая, но избави мя от них скоро: к Тебе бо единей прибегох.
[Я в смятении от обступивших меня бед, поспеши, Пречистая, избавь меня от них, ибо к одной Тебе обращаюсь за помощью]

Песнь 5
Ирмос: Утренююще вопием Ти: Господи, спаси ны; Ты бо еси Бог наш, разве Тебе иного не вемы.
[Ранним утром взываем к Тебе: "Господи, спаси нас, ибо Ты - Бог наш, и другого бога, кроме Тебя, мы не знаем]

Святый Aнгеле Божий, хранителю мой, моли Бога о мне.

Яко имея дерзновение к Богу, хранителю мой святый, Сего умоли от оскорбляющих мя зол избавити.
[Как близкий Богу, умоли Его, хранитель мой святой, избавить меня от бед, приносящих мне скорбь]

Святый Aнгеле Божий, хранителю мой, моли Бога о мне.

Свете светлый, светло просвети душу мою, наставниче мой и хранителю, от Бога данный ми Aнгеле.
[Наставник мой и хранитель, от Бога данный мне Ангел, светлый свет, светло озари мою душу]

Слава: Спяща мя зле тяготою греховною, яко бдяща сохрани, Aнгеле Божий, и возстави мя на славословие молением твоим.
[Тяжко спящего меня в греховной тяготе сделай бодрым и внимательным, Ангел Божий, и молитвой твоей помоги встать и славить Бога]

И ныне: Марие, Госпоже Богородице безневестная, надеждо верных, вражия возношения низложи, поющия же Тя возвесели.
[Мария, Госпожа Богородица, не знавшая брака, надежда верных христиан, низложи превознесшегося врага, воспевающим же Тебя даруй веселье]

Песнь 6
Ирмос: Ризу ми подаждь светлу, одеяйся светом яко ризою, многомилостиве Христе Боже наш.
[Даруй душе моей светлую одежду, многомилостивый Христос Бог наш, одевающийся светом, как одеждой]

Святый Aнгеле Божий, хранителю мой, моли Бога о мне.

Всяких мя напастей свободи, и от печалей спаси, молюся ти, святый Aнгеле, данный ми от Бога, хранителю мой добрый.
[Освободи меня от искушений и избавь от печалей, молюсь тебе, святой Ангел, данный мне Богом, хранитель мой добрый]

Святый Aнгеле Божий, хранителю мой, моли Бога о мне.

Освети ум мой, блаже, и просвети мя, молюся ти, святый Aнгеле, и мыслити ми полезная всегда настави мя.
[Благий, озари ум мой, и просвети меня, молю тебя, святой Ангел, и всегда учи меня помышлять полезное мне]

Слава: Устави сердце мое от настоящаго мятежа, и бдети укрепи мя во благих, хранителю мой, и настави мя чудно к тишине животней.
[Успокой нынешнее смятение в сердце моем и укрепи меня в неуклонном следовании добру, хранитель мой, и чудесным образом приведи меня к тишине жизни]

И ныне: Слово Божие в Тя вселися, Богородице, и человеком Тя показа небесную лествицу; Тобою бо к нам Вышний сошел есть.
[В Тебя, Богородица, вселилось Слово Божие и людям показало, что Ты - небесная лестница, ибо Тобой к нам сошел Всевышний]

Кондак, глас 4
Явися мне милосерд, святый Aнгеле Господень, хранителю мой, и не отлучайся от мене, сквернаго, но просвети мя светом неприкосновенным и сотвори мя достойна Царствия Небеснаго.
[Покажи мне твое милосердие, святой Ангел Господень, хранитель мой, и не оставляй меня, скверного, но просвети меня светом неприступным и сделай меня достойным Царства Небесного.]

Икос
Уничиженную душу мою многими соблазны, ты, святый предстателю, неизреченныя славы небесныя сподоби, и певец с лики безплотных сил Божиих, помилуй мя и сохрани, и помыслы добрыми душу мою просвети, да твоею славою, Aнгеле мой, обогащуся, и низложи зломыслящия мне враги, и сотвори мя достойна Царствия Небеснаго.
[Святой покровитель мой, сподобь душу мою, униженную многими соблазнами, несказанной небесной славы - славы поющих вместе с хорами Божиих бесплотных сил; помилуй меня, и сохрани, и просвети душу мою добрыми мыслями, и обогати меня, Ангел мой, твоей славой, и низложи врагов, замышляющих против меня зло, и сделай меня достойным Царства Небесного]

Песнь 7
Ирмос: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси
[Пришедшие из Иудеи юноши некогда в Вавилоне верой в Троицу попрали пламень в печи, воспевая: "Бог отцов, Ты благословен!"]

Святый Aнгеле Божий, хранителю мой, моли Бога о мне.

Милостив буди ми, и умоли Бога, Господень Aнгеле, имею бо тя заступника во всем животе моем, наставника же и хранителя, от Бога дарованнаго ми во веки.
[Будь милостив ко мне и умоли Бога, Ангел Господень, ибо ты мне заступник во всей жизни моей, наставник и хранитель, дарованный мне Богом навеки]

Святый Aнгеле Божий, хранителю мой, моли Бога о мне.

Не остави в путь шествующия души моея окаянныя убити разбойником, святый Aнгеле, яже ти от Бога предана бысть непорочне; но настави ю на путь покаяния.
[Не дай разбойникам убить идущую в путь бедную душу мою, которая тебе, святой Ангел, была вручена Богом без порока, но наставь ее на путь покаяния]

Слава: Всю посрамлену душу мою привожду от лукавых ми помысл и дел: но предвари, наставниче мой, и исцеление ми подаждь благих помысл, уклоняти ми ся всегда на правыя стези.
[Душу мою привожу, опозоренную дурными мыслями и делами; поспеши же, наставник мой, и подай мне исцеление благими помышлениями, чтобы мне всегда избирать пути правды]

И ныне: Премудрости исполни всех и крепости Божественныя, Ипостасная Премудросте Вышняго, Богородицы ради, верою вопиющих: отец наших Боже, благословен еси.
[Олицетворенная Премудрость Всевышнего, Сын Божий, ради Богородицы, преисполни премудростью и силой Божией всех, с верой взывающих: "Бог отцов наших, Ты благословен!"]

Песнь 8
Ирмос: Царя Небеснаго, Егоже поют вои ангельстии, хвалите и превозносите во вся веки.
[Царя небесного, Которого воспевает ангельское воинство, восхваляйте и превозносите вовеки]

Святый Aнгеле Божий, хранителю мой, моли Бога о мне.

От Бога посланный, утверди живот мой, раба твоего, преблагий Aнгеле, и не остави мене во веки.
[Предобрый Ангел, посланный от Бога, дай мне, рабу твоему, твердую опору жизни и не оставляй меня вовеки]

Святый Aнгеле Божий, хранителю мой, моли Бога о мне.

Ангела тя суща блага, души моея наставника и хранителя, преблаженне, воспеваю во веки.
[Тебя, благого Ангела, наставника и хранителя души моей, исполненного блаженства, воспеваю вовеки]

Слава: Буди ми покров и забрало в день испытания всех человек, воньже огнем искушаются дела благая же и злая.
[Укрой и заслони меня в день испытания всех людей, когда будут испытаны огнем дела благие и злые]

И ныне: Буди ми помощница и тишина, Богородице Приснодево, рабу Твоему, и не остави мене лишена быти Твоего владычества.
[Богородица, вечно сохраняющая девство, будь помощницей и тишиной мне, рабу Твоему, и не лиши меня Твоего владычества]

Песнь 9
Ирмос: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.
[Мы, спасенные Тобой, чистая Дева, провозглашаем Тебя истинной Богородицей, превознося Тебя вместе с сонмами бесплотных сил]

Иисусу: Господи Иисусе Христе Боже мой, помилуй мя.

Помилуй мя, едине Спасе мой, яко милостив еси и милосерд, и праведных ликов сотвори мя причастника.
[Помилуй меня, единственный Спаситель мой, ибо Ты милостив и милосерден, и сопричисли меня к сонму праведников]

Святый Aнгеле Божий, хранителю мой, моли Бога о мне.

Мыслити ми присно и творити, Господень Aнгеле, благая и полезная даруй, яко сильна яви в немощи и непорочна.
[Ангел Господень, даруй мне всегда помышлять и творить благое и полезное; в немощи моей покажи меня сильным и беспорочным]

Слава: Яко имея дерзновение к Царю Небесному, Того моли, с прочими безплотными, помиловати мя, окаяннаго.
[Вместе с другими бесплотными силами моли Царя Небесного, как близкий к Нему, помиловать меня, окаянного]

И ныне: Много дерзновение имущи, Дево, к Воплощшемуся из Тебе, преложи мя от уз и разрешение ми подаждь и спасение, молитвами Твоими.
[Помолись, Дева, как самая близкая к Принявшему от Тебя плоть, и выведи меня из плена и даруй мне освобождение и спасение]

Молитва к Aнгелу Xранителю
Ангеле Христов святый, к тебе припадая молюся, хранителю мой святый, приданный мне на соблюдение души и телу моему грешному от святаго крещения, аз же своею леностию и своим злым обычаем прогневах твою пречистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением, и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным возбешением, имый самохотение на всякое плотское вожделение. О, злое мое произволение, егоже и скоти безсловеснии не творят! Да како возможеши воззрети на мя, или приступити ко мне, аки псу смердящему? Которыма очима, Ангеле Христов, воззриши на мя, оплетшася зле во гнусных делех? Да како уже возмогу отпущения просити горьким и злым моим и лукавым деянием, в няже впадаю по вся дни и нощи и на всяк час? Но молюся ти припадая, хранителю мой святый, умилосердися на мя грешнаго и недостойнаго раба твоего (имя), буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне и присно и во веки веков. Аминь.
[Святой Ангел Христов, припав к твоим стопам, молюсь тебе, святой хранитель мой, приданный мне от святого крещения для сохранения души и тела моего грешного; я же своей леностью и привычкой к дурному прогневал твою пречистую светлость и тебя отогнал от себя всеми постыдными делами: ложью, клеветой, завистью, осуждением, презрительностью, непокорностью, ненавистью к братьям, злопамятностью, жадностью к деньгам, прелюбодеянием, яростью, скупостью, ненасытным объедением и питьем без меры, многоречивостью, злыми и лукавыми мыслями, гордым поведением и блудным неистовством, по своей воле желая исполнять все плотские прихоти. О, как я всегда соглашаюсь на зло и делаю то, чего не делают даже лишенные разума скоты! Да как же сможешь посмотреть на меня или подойти ко мне, как к зловонному псу? Какими глазами, Ангел Христов, посмотришь на меня, крепко опутанного гнусными делами? Да как уже смогу просить прощения горьким и злым моим и лукавым делам, которые совершаю все дни и ночи и каждый час? Но, припав к твоим стопам, молюсь тебе, хранитель мой: смилуйся надо мной, грешным и недостойным рабом твоим (имя); святыми твоими молитвами помоги мне и защити от злого моего противника и сделай меня участником Царства Божия вместе со всеми святыми, всегда, ныне и во всякое время, и в вечные века. Аминь]





Разное