Рейтинг@Mail.ru
Православная литература в формате WORD (.doc) и духовная музыка - Праздники и Пасхалия / Песнопения с переводом / Праздников и святым

Тропари, кондаки и величания
на праздники Господни,
Богородичны, великих святых

в порядке церковного года,
который начинается с 1/14 сентября
(с переводом на русский язык)
Скачать в формате .doc

1/14 сентября
Новолетие
Тропарь, глас 2-й
Всея твари Содетелю, времена и лета во Своей власти положивый, благослови венец лета благости Твоея, Господи, сохраняя в мире люди и град Твой, молитвами Богородицы, и спаси ны.
[Всего творения Создатель, времена и годы Своею властию определивший, благослови начинающийся год благости Твоей, Господи, сохраняя в мире землю нашу и верных людей Твоих, молитвами Богородицы и спаси нас.]
Кондак, глас 2-й
В вышних живый, Христе Царю, всех видимых и невидимых Творче и Зиждителю, Иже дни и нощи, времена и лета сотворивый, благослови ныне венец лета: соблюди и сохрани в мире град и люди Твоя, Многомилостиве.
[На Небесах живущий Царь, Христе, всего видимого и невидимого Творец и Создатель, дни и ночи, времена и годы сотворивший, благослови ныне начинающийся год, сбереги и сохрани в мире землю нашу и людей Твоих, Многомилостивый!]

8/21 сентября
Рождество Пресвятой Богородицы
Тропарь, глас 4-й
Рождество Твое, Богородице Дево, радость возвести всей вселенней: из Тебе бо возсия солнце правды, Христос Бог наш, и разрушив клятву, даде благословение, и упразднив смерть, дарова нам живот вечный.
[Рождение Твое, Богородица Дева, возвестило радость всей вселенной, ибо из Тебя воссияло Солнце правды, Христос Бог наш, и, уничтожив проклятие, Он возвратил нам благословение и, низложив смерть, даровал нам жизнь вечную]
Кондак, глас 4-й
Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и питательницу жизни нашея.
[Иоаким и Анна освободились от поношения за бездетность, а Адам и Ева – от гибели смертной святым Твоим рождением, Пречистая. Его празднует и народ Твой, избавившийся от тяготы греховной, Тебе восклицая: «Неплодная рождает Богородицу и Питательницу Жизни нашей!»]
Величание
Величаем Тя, Пресвятая Дево, и чтим святых Твоих родителей, и всеславное славим рождество Твое.
[Величаем Тебя, Пречистая Дева, и почитаем святых Твоих родителей, и всеславное славим рождество Твое.]
Задостойник, глас 8-й
Чужде матерем девство, и странно девам деторождение; на Тебе, Богородице, обоя устроишася. Тем Тя вся племена земная непрестанно величаем.
[Чуждо матерям девство, и невозможно девам деторождение; на Тебе же, Богородица, совершилось то и другое, потому все мы, народы земные, непрестанно величаем Тебя.]

14/27 сентября
Воздвижение Честного и Животворящего Креста
Тропарь, глас 1-й
Спаси, Господи, люди Твоя, и благослови достояние Твое, победы на сопротивныя даруя, и Твое сохраняя Крестом Твоим жительство.
[Спаси, Господи, народ Твой и благослови наследие Твое, победы над врагами даруя и силою Креста Твоего сохраняя народ Твой.]
Кондак, глас 4-й
Вознесыйся на Крест волею, тезоименитому Твоему новому жительству щедроты Твоя даруй, Христе Боже, возвесели нас силою Твоею, победы дая нам на супостаты, пособие имущим Твое, оружие мира, непобедимую победу.
[Вознесенный на Крест добровольно, Христе Боже, Твоему новому народу, носящему имя Твое, милости Твои даруй; пошли радость нам силою Твоею, победы подавая нам над врагами, и да имеем мы в помощь от Тебя Крест, как ограждение мира и знамя непобедимости.]
Величание
Величаем Тя, Живодавче Христе, и чтим Крест Твой святый, имже нас спасл еси от работы вражия.
[Величаем Тебя, Податель жизни Христе, и чтим Крест Твой святой, которым Ты спас нас от рабства врагу.]
Задостойник, глас 8-й
Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.
[Ты, Богородица – таинственный рай, девственно произрастивший Христа, Которым на земле насаждено Креста живоносное древо; потому, поклоняясь ему, ныне возносимому, Тебя мы величаем.]

25 сентября/8 октября
Преподобного Сергия Радонежского
Тропарь, глас 4-й
Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником. Темже и вселися в тя Пресвятый Дух, Егоже действием светло украшен еси; но яко имея дерзновение ко Святей Троице, поминай стадо, еже собрал еси мудре, и не забуди, якоже обещался еси, посещая чад твоих, Сергие, Преподобне отче наш.
[Как истинный воин Христа Бога, добродетелей исполненный, усердно боролся со страстями в жизни временной, в славословии, в бдениях и посте примером являясь для своих учеников. Поэтому и вселился в тебя Пресвятой Дух, благодатными дарами Которого ты был пышно украшен. Но как имеющий дерзновение ко Святой Троице, помни о стаде, которое ты мудро собрал, и не забудь, как обещал, посещать детей своих, Сергий, Преподобный отче наш.]
Кондак, глас 8-й
Христовою любовию уязвився, Преподобне, и Тому невозвратным желанием последовав, всякое наслаждение плотское возненавидел еси, и яко солнце Отечеству твоему возсиял еси, тем и Христос даром чудес обогати тя. Поминай нас чтущих пресветлую память твою, да зовем ти: радуйся, Сергие богомудре.
[Любовью ко Христу воспламененный, и за Ним с неуклонной волей последовав, всякое наслаждение плотское возненавидел ты, Преподобный, и как солнце отечеству твоему воссиял: потому и Христос даром чудес обогатил тебя. Поминай нас, почитающих пресветлую память твою, дабы мы взывали тебе: «Радуйся, Сергий богомудрый!»]

26 сентября/9 октября
Преставление святого Апостола
и евангелиста Иоанна Богослова
Тропарь, глас 2-й
Апостоле, Христу Богу возлюбленне, ускори избавити люди безответны, приемлет тя припадающа Иже падша на перси приемый, Егоже моли, Богослове, и належащую мглу языков разгнати, прося нам мира и велия милости.
[Апостол, Христом Богом возлюбленный, поспеши своим ходатайством избавить от несчастий людей беззащитных; принимает мольбу твою Принявший тебя, склонившегося на Его грудь; Его и моли, Богослове, надвинувшуюся тучу язычества рассеять, испрашивая нам мир и великую милость.]
Кондак, глас 2-й
Величия твоя, девственниче, кто повесть? Точиши бо чудеса, и изливаеши исцеления, и молишися о душах наших, яко Богослов и друг Христов.
[О величии твоем, девственник, кто может рассказать? Ибо ты источаешь чудеса и изливаешь исцеления, и молишься о спасении душ наших, как Богослов и друг Христов.]

1/14 октября
Покров Пресвятой Богородицы
Тропарь, глас 4-й
Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим покровом, и избави нас от всякаго зла, молящи Сына Твоего Христа Бога нашего, спасти души наша.
[В сей день мы, православные люди, торжественно празднуем, благословляемые Твоим, Богомати, пришествием, и, взирая на Твой пречистый образ, со умилением взываем: «Покрой нас священным Твоим покровом и избавь нас от всякого зла, умоляя Сына Твоего, Христа Бога нашего, о спасении душ наших».]
Кондак, глас 3-й
Дева днесь предстоит в церкви, и с лики святых невидимо за ны молится Богу: Ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.
[Ныне Дева предстоит в храме и с сонмами святых невидимо молится за нас Богу. Ангелы с архиереями поклоняются, апостолы же с пророками ликуют: ибо о нас молит Богородица Предвечного Бога.]
Величание
Величаем Тя, Пресвятая Дево, и чтем Покров Твой честный, Тя бо виде святый Андрей на воздусе, за ны Христу молящуюся.
[Величаем Тебя, Пресвятая Дева, и чтим Покров Твой святой, ибо видел Тебя святой Андрей на воздухе за нас Христу молящуюся.]

5/18 октября
Святителей Московских: Петра, Алексия,
Ионы, Филиппа и Ермогена
Тропарь, глас 4-й
Первопрестольницы Российстии, истиннии хранителие апостольских преданий, столпи непоколебимии, Православия наставницы, Петре, Алексие, Ионо, Филиппе и Ермогене, Владыку всех молите, мир вселенней даровати и душам нашим велию милость.
[Первосвятители Российские, истинные хранители апостольских преданий, столпы непоколебимые, Православия наставники, Петр, Алексий, Иона, Филипп и Ермоген, Владыку всех молите мир вселенной даровать и душам нашим великую милость.]
Кондак, глас 3-й
Во святителех благочестно пожисте, и люди к богоразумию настависте, и добре Богу угодисте; сего ради от Него нетлением и чудесы прославистеся, яко ученицы Божия благодати.
[В сане святительском вы благоговейно послужили и людей к богопознанию направили, и во всем Богу угодили. Потому нетлением и чудесами вы от Него прославлены, как ученики Божией благодати.]

22 октября/4 ноября, также 8/21 июля
Празднование Казанской иконе Божией Матери
Тропарь, глас 4-й
Заступнице усердная, Мати Господа Вышняго, за всех молиши Сына Твоего Христа Бога нашего, и всем твориши спастися, в державный Твой покров прибегающим. Всех нас заступи, о Госпоже Царице и Владычице, иже в напастех и в скорбех, и в болезнех, обремененных грехи многими, предстоящих и молящихся Тебе умиленною душею, и сокрушенным сердцем, пред пречистым Твоим образом со слезами, и невозвратно надежду имущих на Тя избавления всех зол, всем полезная даруй, и вся спаси, Богородице Дево: Ты бо еси Божественный покров рабом Твоим.
[Заступница усердная, Мати Господа Всевышнего, о всех молишь Сына Твоего, Христа Бога нашего, и содействуешь спасению всех, под мощный Твой покров прибегающих. Всех нас защити, о Госпожа, Царица и Владычица, пребывающих в бедах, скорбях и болезнях и обремененных грехами многими, предстоящих и с благоговением молящихся Тебе со слезами и сокрушенным сердцем пред пречистым Твоим образом, и имеющих непоколебимую надежду в Тебе на избавление от всех зол; всем полезное даруй и всех спаси, Богородица Дева, ибо Ты – Божественный покров для рабов Твоих.]
Кондак, глас 8-й
Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы. Ускорим на молитву, и потщимся на покаяние: источает бо нам неоскудныя милости Пречистая Богородица, предваряет на помощь, и избавляет от великих бед и зол, благонравныя и богобоящияся рабы Своя.
[Прибегнем, люди, к тихому сему и доброму пристанищу, скорой Помощнице, готовому и теплому спасению, покрову Девы. Поспешим на молитву и подвигнемся на покаяние: ибо источает нам неоскудевающие милости Пречистая Богородица, спешит на помощь и избавляет от великих бед и зол благочестивых и богобоязненных рабов Своих.]

Величание
Достойно есть величати Тя, Богородице, честнейшую Херувим, и славнейшую без сравнения Серафим.
[Достойно прославлять Тебя, Богородица, почитаемую больше, чем Херувимы, и удостоенную несравненно большей славой, чем Серафимы.]

8/21 ноября
Собор Архистратига Михаила
и прочих Небесных сил бесплотных
Тропарь, глас 4-й
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны, припадающия прилежно и вопиющия: от бед избавите ны, яко чиноначальницы Вышних сил.
[Небесных воинств Архистратиги, непрестанно молим вас мы, недостойные, чтобы вы оградили нас вашими молитвами под кровом крыл невещественной вашей славы, сохраняя нас, припадающих усердно и взывающих: «От бед избавьте нас, как начальники Вышних Сил!»]
Кондак, глас 2-й
Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко безплотных Архистратизи.
[Архистратиги Божии, служители Божественной славы, Ангелов начальники и людей наставники, полезное нам испросите и великую милость, как бесплотных Архистратиги.]

13/26 ноября
Память святителя Иоанна Златоуста
Тропарь, глас 8-й
Уст твоих, якоже светлость огня, возсиявши благодать, вселенную просвети; не сребролюбия мирови сокровища сниска, высоту нам смиренномудрия показа. Но твоими словесы наказуя, отче Иоанне Златоусте, моли Слова Христа Бога, спастися душам нашим.
[Из уст твоих воссиявшая, как свет огня, благодать просветила мир; не сокровища сребролюбия приобрела она миру, но показала нам высоту смиренномудрия. И просвещая нас своими поучениями, отче Иоанн Златоуст, моли Слово – Христа Бога, о спасении душ наших.]

21 ноября/4 декабря
Введение во храм Пресвятой Богородицы
Тропарь, глас 4-й
Днесь благоволения Божия предображение, и человеков спасения проповедание, в храме Божии ясно Дева является, и Христа всем предвозвещает, Той и мы велегласно возопиим: радуйся, смотрения Зиждителева исполнение.
[Ныне предвестие благоволения Божия и предвозвещение о спасении людей: в храме Божием торжественно является Дева и всем предвозвещает о Христе; Ей и мы громогласно воскликнем: «Радуйся, исполняющая промышление о нас Создателя».]
Кондак, глас 4-й
Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, Юже воспевают Ангели Божии: Сия есть селение небесное.
[Чистейший храм Спасителя, многоценный чертог и Дева, священное сокровище славы Божией, ныне вводится в дом Господень, совводя с Собою благодать Божественного Духа; Ее воспевают Ангелы Божии: «Она – жилище небесное».]
Величание
Величаем Тя, Пресвятая Дево, Богоизбранная Отроковице, и чтим еже в храм Господень вхождение Твое.
[Величаем Тебя, Пресвятая Дева, Богом избранная Отроковица, и почитаем Твой вход в храм Господень.]
Задостойник, глас 4-й
Яко одушевленному Божию кивоту, да никакоже коснется рука скверных; устне же верных, Богородице немолчно глас Ангела воспевающе, с радостию да вопиют: истинно вышши всех еси, Дево Чистая.
[Как живого Ковчега Божия, да не касается рука непосвященных; уста же верных, воспевая неумолчно воззвание Ангела к Богородице, в радости да восклицают: «Истинно Ты выше всех, Дева Чистая!»]

27 ноября/10 декабря
Иконы Божией Матери «Знамение»
Тропарь, глас 4-й
Яко необоримую стену и источник чудес стяжавше Тя, раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
[Обретя в Тебе несокрушимую стену и источник чудес, мы, рабы Твои, Богородица Пречистая, низлагаем восстания на нас врагов наших. Потому молимся Тебе: мир граду Твоему даруй и душам нашим великую милость.]

6/19 декабря
Память святителя Николая Чудотворца
Тропарь, глас 4-й
Правило веры и образ кротости, воздержания учителя яви тя стаду твоему, яже вещей истина. Сего ради стяжал еси смирением высокая, нищетою богатая: отче священноначальниче Николае, моли Христа Бога, спастися душам нашим.
[Правилом веры, образцом кротости, воздержания учителем показала тебя жизнь твоя пастве твоей. И потому смирением ты приобрел величие, нищетой – богатство: отче священноначальниче Николае, моли Христа Бога о спасении душ наших.]
Кондак, глас 3-й
В Мирех, святе, священнодействитель показался еси, Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти. Сего ради освятился еси, яко великий таинник Божия благодати.
[В Мирах ты, святой, явился совершителем священнодействий: евангельское учение Христа исполнив, положил ты, преподобный, душу свою за людей твоих и неповинных избавил от смерти. Потому и освятился, как великий служитель таинств Божией благодати.]

20 декабря/2 января
Память святого праведного Иоанна Кронштадтского
Тропарь, глас 1-й
Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Таин благоговейный служителю и дерзновенный о людех молитвенниче, отче праведный Иоанне, целителю и предивный чудотворче граду Кронштадту похвало и Церкве нашея украшение, моли Всеблагаго Бога умирити мир и спасти души наша.
[Православной веры поборник, земли Российской печальник, пастырям правило и пример верным, покаяния и жизни во Христе проповедник, Божественных Таинств благоговейный служитель и дерзновенный о людях молитвенник, отче праведный Иоанн, целитель и предивный чудотворец, града Кронштадта похвала и Церкви нашей украшение, моли всеблагого Бога дать миру мир и спасти души наши.]
Кондак, глас 3-й
Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: «Созижду Церковь Мою и врата адова не одолеют ей».
[В сей день пастырь Кронштадтский предстоит престолу Божию и усердно молит о верных Христа Пастыреначальника, давшего нам обетование: «Воздвигну Церковь Мою, и врата ада не одолеют ее».]

25 декабря/7 января
Рождество Господа нашего Иисуса Христа
Тропарь, глас 4-й
Рождество Твое, Христе Боже наш, возсия мирови свет разума: в нем бо звездам служащии, звездою учахуся Тебе кланятися Солнцу правды, и Тебе ведети с высоты Востока; Господи, слава Тебе.
[Рождение Твое, Христе Боже наш, озарило мир светом богопознания; ибо чрез него служившие звездам, как Богу, были звездою научены поклоняться Тебе, Солнцу правды, и в Тебе познать Восход с высоты (обычное, земное солнце восходит снизу вверх, а Солнце правды, Христос, сходит с высоты). Господи, слава Тебе!]
Кондак, глас 3-й
Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют; нас бо ради родися Отроча младо, Превечный Бог.
[Сегодня Дева рождает Существующего всегда и прежде всего, и земля предоставляет пещеру Неприступному. Ангелы с пастухами прославляют; мудрецы за звездою совершают путь, – ибо для нас родился Младенец, Предвечный Бог.]
Величание
Величаем Тя, Живодавче Христе, нас ради ныне плотию рождшагося от безневестныя и Пречистыя Девы Марии.
[Прославляем Тебя, Христе, Податель жизни, нас ради ныне во плоти родившегося от не познавшей мужа и Пречистой Девы Марии.]
Задостойник, глас 1-й
Величай, душе моя, честнейшую и славнейшую горних воинств Деву Пречистую Богородицу.
[Прославляй, душа моя, честнейшую и славнейшую Вышних Сил Деву Пречистую Богородицу.]
Любити убо нам, яко безбедное страхом, удобее молчание, любовию же, Дево, песни ткати спротяженно сложенныя, неудобно есть: но и, Мати, силу, елико есть произволение, даждь.
[Нам удобнее бы хранить молчание, как не навлекающее никакой опасности; силою же любви к Тебе, Дева, создавать песни, стройно сложенные, не легко: однако даруй нам, Мати, столько же силы, сколько имеем усердия.]

1/14 января
Обрéзание Господа нашего Иисуса Христа
и память святителя Василия Великого
Тропарь Обрéзанию, глас 1-й
На престоле огнезрачнем в вышних седяй со Отцем Безначальным и Божественным Твоим Духом, благоволил еси родитися на земли от Отроковицы неискусомужныя Твоея Матере, Иисусе: сего ради и обрезан был еси яко человек осмодневный. Слава всеблагому Твоему совету; слава смотрению Твоему, слава снизхождению Твоему, Едине Человеколюбче.
[На престоле огневидном восседающий на небесах с Отцом Безначальным и Божественным Твоим Духом благоволил Ты родиться на земле, Иисусе, от Отроковицы, не познавшей мужа - Матери Твоей; потому и обрезан был как человек в день восьмой. Слава Твоему всеблагому изволению; слава Промыслу Твоему; слава снисшествию Твоему, единый Человеколюбец.]
Тропарь святителю, глас 1-й
Во всю землю изыде вещание твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, царское священие, отче преподобне: моли Христа Бога спастися душам нашим.
[По всей земле раздался голос твой, и она приняла слово твое, им же ты истины веры богодостойно раскрыл, природу всего существующего изъяснил, человеческие обычаи благоукрасил; царственный священник, отче преподобный, моли Христа Бога о спасении душ наших.]
Кондак праздника, глас 3-й
Всех Господь обрезание терпит, и человеческая прегрешения яко благ обрезует, дает спасение днесь миру: радуется же в вышних и Создателев иерарх и светоносный, божественный таинник Христов Василий.
[Всех Господь обрезание претерпевает и согрешения человеческие, как благой, отсекает, дает в сей день спасение миру; радуется же на небесах и иерарх Творца и светоносный божественный служитель таинств Христовых Василий.]
Кондак святителю, глас 4-й
Явился еси основание непоколебимое Церкве, подая всем некрадомое господство человеком, запечатлея твоими веленьми, небоявленне Василие преподобне.
[Явился ты непоколебимым основанием Церкви, оделяя всех людей неподверженным краже достоянием, утверждая его твоими наставлениями, открывающий небесное Василий преподобный.]
Величание
Величаем тя, святителю отче Василие, и чтим святую память твою: ты бо молиши за нас Христа Бога нашего.
[Прославляем тебя, святитель отче Василий, и чтим святую память твою, ибо молишь ты за нас Христа Бога нашего.]

2/15 января, также 19 июля/1 августа
Преподобного Серафима Саровского
Тропарь, глас 4-й
От юности Христа возлюбил еси, блаженне, и Тому Единому работати пламенне вожделев, непрестанною молитвою и трудом в пустыни подвизался еси, умиленным же сердцем любовь Христову стяжав, избранник возлюблен Божия Матере явился еси. Сего ради вопием ти: спасай нас молитвами твоими, Серафиме, преподобне отче наш.
[От юности ты возлюбил Христа, блаженный, и, Ему Одному служить пламенно возжелав, непрестанною молитвою и трудом в пустыне подвизался; сокрушенным же сердцем любовь Христову стяжав, избранником возлюбленным Божией Матери явился. Потому мы взываем тебе: «Спасай нас молитвами твоими, Серафим, преподобный отче наш».]
Кондак, глас 2-й
Мира красоту и яже в нем тленная оставив, преподобне, в Саровскую обитель вселился еси; и тамо ангельски пожив, многим путь был еси ко спасению; сего ради и Христос тебе, отче Серафиме, прослави, и даром исцелений и чудес обогати. Темже вопием ти: радуйся, Серафиме, преподобне отче наш.
[Мира красоту и все, что в нем тленного, оставив, преподобный, в Саровскую обитель вселился ты и, там ангельски пожив, для многих был путем ко спасению; потому и Христос тебя, отче Серафим, прославил и даром исцелений и чудес обогатил. Потому мы взываем тебе: «Радуйся, Серафим, преподобный отче наш».]

6/19 января
Крещение Господне. Богоявление
Тропарь, глас 1-й
Во Иордане крещающуся Тебе, Господи, Троическое явися поклонение: Родителев бо глас свидетельствовавше Тебе, возлюбленнаго Тя Сына именуя, и Дух в виде голубине, извествоваше словесе утверждение. Явлейся, Христе Боже, и мир просвещей, слава Тебе.
[Когда Ты, Господи, крестился во Иордане, явилось поклонение Пресвятой Троице, ибо глас Отца свидетельствовал о Тебе, называя Тебя возлюбленным Сыном, и Дух, явившийся в виде голубя, подтвердил истинность этого слова. Христе Боже, явившийся и просветивший мир, слава Тебе!]
Кондак, глас 4-й
Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси Свет неприступный.
[Явился Ты ныне всему миру; и Твой свет, Господи, запечатлелся на нас, сознательно воспевающих Тебя: «Ты пришел и явился, Свет неприступный!»]
Величание
Величаем Тя, Живодавче Христе, нас ради ныне плотию крестившагося от Иоанна в водах Иорданских.
[Прославляем Тебя, Христе, Податель жизни, за то, что Ты ныне для нас крестился плотию от Иоанна в водах Иордана.]
Задостойник, глас 2-й
Величай, душе моя, честнейшую горних воинств, Деву Пречистую Богородицу.
[Душа моя, прославляй Богородицу, честнейшую Небесных Сил, Деву Пречистую.]
Недоумеет всяк язык благохвалити по достоянию, изумевает же ум и премирный пети Тя, Богородице; обаче Благая сущи, веру приими, ибо любовь веси Божественную нашу: Ты бо христиан еси предстательница, Тя величаем.
[Никакой язык человеческий не в силах достойно восхвалять Тебя, и даже горний ум недоумевает, как воспеть Тебя, Богородица. Но Ты, как Благая, прими веру, потому что любовь нашу пламенную Ты знаешь: Ты – Предстательница христиан, Тебя мы величаем.]
Тропари на водоосвящении, глас 8-й
Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа.
[Глас Господа взывает на водах, говоря: «Все придите и примите явившегося Христа, – Духа премудрости, Духа разума, Духа страха Божия».]
Днесь вод освящается естество, и разделяется Иордан, и своих вод возвращает струи, Владыку зря крещаема.
[Ныне освящается водное естество, и Иордан разделяется и останавливает свое течение, видя крещающегося Владыку.]
Яко человек на реку пришел еси, Христе Царю, и рабское крещение прияти тщишися, Блаже, от Предтечеву руку, грех ради наших, Человеколюбче.
[Как человек пришел к реке Иордан Христе Царь, и требуешь, Благой, рабского крещения от руки Предтечи ради очищения грехов наших,Человеколюбче.]
Слава, и ныне: Ко гласу вопиющаго в пустыни: уготовайте путь Господень, – пришел еси, Господи, зрак рабий приим, крещения прося, не ведый греха; видеша Тя воды и убояшася. Трепетен бысть Предтеча, и возопи глаголя: како просветит светильник Света, како руку положит раб на Владыку? Освяти мене и воды, Спасе, вземляй мира грех.
[Слава и ныне: Ко гласу вопиющего в пустыне: «Приготовьте путь Господу» пришел Ты, Господи, образ раба приняв, и просишь, безгрешный, у него крещения; увидели Тебя воды и убоялись. Предтеча затрепетал и громко воскликнул: «Как светильник может освещать Свет? Как раб возложит руку на Владыку? Ты Сам, Спаситель, взявший на себя грехи мира, освяти меня и воды!»]

30 января/12 февраля
Память трех святителей: Василия Великого,
Григория Богослова и Иоанна Златоустого
Тропарь, глас 4-й
Яко апостолов единонравнии и вселенныя учителие, Владыку всех молите, мир вселенней даровати и душам нашим велию милость.
[Апостолам единомысленные и Вселенской Церкви учителя, молите Владыку всех мир миру даровать и душам нашим великую милость.]
Кондак, глас 2-й
Священныя и боговещанныя проповедники, верх учителей, Господи, приял еси в наслаждение благих Твоих и упокоение; труды бо онех и смерть приял еси паче всякаго всеплодия, Едине прославляяй святыя Твоя.
[Духоносных и вещающих о Боге проповедников, высших из учителей, Ты принял, Господи, в наслаждение благ Твоих и покой, ибо труды их и смерть благоволил принять как жертву, выше всякой жертвы, Единый, Прославляющий святых Твоих.]

2/15 февраля
Сретение Господа нашего Иисуса Христа
Тропарь, глас 1-й
Радуйся, Благодатная, Богородице Дево, из Тебе бо возсия Солнце правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение.
[Радуйся, Благодатная Богородица Дева, ибо из Тебя воссияло Солнце правды – Христос Бог наш, просвещающий находящихся во тьме. Веселись и ты, старец праведный, принявший в свои объятия Освободителя душ наших, дарующего нам воскресение.]
Кондак, глас 1-й
Утробу Девичу освятивый рождеством Твоим, и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче.
[Утробу Девическую освятивший рождением Своим и руки Симеона благословивший, как надлежало, предупредив, и ныне Ты спас нас, Христе Боже; но умири раздоры людей и укрепи народ, который возлюбил, Единый Человеколюбец.]
Величание
Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень.
[Славим Тебя, Жизнеподатель Христе, и почитаем Твою Пречистую Матерь, Которою, во исполнение закона, сегодня Ты принесен в храм Господень.]
Задостойник, глас 3-й
Богородице Дево, упование христианом, покрый, соблюди и спаси на Тя уповающих.
[Богородица Дева, надежда христиан, покрой, сохрани и спаси на Тебя надеющихся.]
В законе, сени и писании образ видим вернии, всяк мужеский пол, ложесна разверзая, свят Богу. Тем перворожденное Слово Отца Безначальна, Сына первородящася Материю неискусомужно, величаем.
[В законе Моисеевом, сени библейских прообразов и в Священном Писании мы, верные, видим прообраз празднуемого события: каждый первенец мужского пола посвящен Богу, поэтому мы прославляем перворожденное Слово безначального Отца, Сына, без мужа перворожденного Материю.]

25 марта/7 апреля
Благовещение Пресвятой Богородицы
Тропарь, глас 4-й
Днесь спасения нашего главизна, и еже от века таинства явление: Сын Божий, Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою.
[Сегодня спасения нашего начало и обнаружение извечной тайны: Сын Божий становится Сыном Девы, и Гавриил возвещает радость о ниспослании благодати. Потому и мы с ним Богородице воскликнем: «Радуйся, исполненная Божественной благодати, Господь с Тобою!»]
Кондак, глас 8-й
Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
[Тебе, непобедимой Военачальнице, как избавившиеся от бед, благодарственную песнь воспеваем, рабы Твои, Богородица. Ты же, как имеющая силу непобедимую, от всех бед нас освободи, да взываем к Тебе: «Радуйся, Невеста Вечнодевственная!»]
Величание
Архангельский глас вопием Ти, Чистая: радуйся, Благодатная, Господь с Тобою.
[Словами Архангела взываем Тебе, Чистая: «Радуйся, Благодатная, Господь с Тобою!»]
Задостойник, глас 4-й
Благовествуй, земле, радость велию, хвалите, небеса, Божию славу.
[Земля, возвещай радость великую, небеса, хвалите славу Божию!]
Яко одушевленному Божию Кивоту, да никакоже коснется рука скверных. Устне же верных Богородице немолчно, глас Ангела воспевающе, с радостию да вопиют: радуйся, Благодатная, Господь с Тобою.
[Как живого Ковчега, да не касается рука непосвященных; уста же верных, воспевая неумолчно воззвание Ангела к Богородице, в радости да восклицают: «Истинно Ты выше всех, Дева Чистая!»]

23 апреля/6 мая
Память великомученика Георгия Победоносца
Тропарь, глас 4-й
Яко пленных свободитель и нищих защититель, немощствующих врач, Победоносче великомучениче Георгие, моли Христа Бога, спастися душам нашим.
[Как пленных освободитель и бедных защитник, болящих врач, великомученик победоносный Георгий, моли Христа Бога о спасении душ наших.]
Кондак, глас 4-й
Возделан от Бога показался еси благочестия делатель честнейший, добродетелей рукояти собрав себе, сеяв бо в слезах, веселием жнеши, страдальчествовав же кровию, Христа приял еси, и молитвами, святе, твоими всем подаеши прегрешений прощение.
[Возделанный Богом, ты явился земледельцем благочестия достойнейшим, добродетелей снопы собрав себе; и, посеяв со слезами, пожинаешь с радостью; претерпев же страдания до крови, Христа приобрел; и молитвами твоими, святой, всем подаешь согрешений прощение.]

Вход Господень в Иерусалим
(последнее воскресенье перед Пасхой)
Тропарь, глас 1-й
Общее воскресение прежде Твоея страсти уверяя, из мертвых воздвигл еси Лазаря, Христе Боже. Темже и мы яко отроцы победы знамения носяще, Тебе – Победителю смерти вопием: осанна в вышних, благословен Грядый во имя Господне!
[Прежде Твоих страданий в удостоверение общего воскресения Ты, Христе Боже, из мертвых воскресил Лазаря. Потому и мы, как дети еврейские, символы победы в руках держащие, Тебе, Победителю смерти, восклицаем: «Осанна в небесах! Благословен Грядущий во имя Господне!»]
Другой тропарь, глас 4-й
Спогребшеся Тебе крещением, Христе Боже наш, безсмертныя жизни сподобихомся воскресением Твоим, и воспевающе зовем: осанна в вышних, благословен Грядый во имя Господне!
[Будучи погребены с Тобою в Крещении, Христе Боже наш, мы через воскресение Твое удостоены бессмертной жизни и в песне восклицаем: «Осанна в вышних! Благословен Грядущий во имя Господне!»]
Кондак, глас 6-й
На престоле на небеси, на жребяти на земли носимый, Христе Боже, Ангелов хваление, и детей воспевание приял еси зовущих Ти: благословен еси, грядый Адама воззвати.
[На небе восседая на престоле, на земле шествуя на молодом осле, Ты, Христе Боже, принял хвалу от Ангелов и прославление от детей, восклицающих Тебе: «Благословен идущий призвать к Себе Адама!»]
Величание
Величаем Тя, Живодавче Христе, осанна в вышних, и мы Тебе вопием: благословен Грядый во имя Господне!
[Величаем Тебя, Податель жизни Христе, слава в вышних, и мы Тебе восклицаем: "Благословен Грядущий во имя Господне!»]
Задостойник, глас 4-й
Бог Господь и явися нам, составите праздник, и веселящеся приидите, возвеличим Христа, с ваиями и ветвьми, песньми зовуще: благословен Грядый во имя Господа Спаса нашего!
[Бог Господь явился нам; устройте празднество и в веселии придите с пальмами и ветвями, возвеличим Христа, в песнях восклицая: «Благословен Грядущий во имя Господа, Спасителя нашего!»]

Светлое Христово Воскресение. ПАСХА

Тропарь, глас 5-й
Христос воскресе из мертвых, смертию смерть поправ, и сущим во гробех живот даровав.
[Христос воскрес из мертвых, смерть поразив смертию Своею и находящимся во гробах даровав жизнь вечную.]
Кондак, глас 8
Аще и во гроб снизшел еси, Безсмертне, но адову разрушил еси силу и воскресл еси, яко победитель, Христе Боже, женам мироносицам вещавый: радуйтеся! и Твоим апостолом мир даруяй, падшим подаяй воскресение.
[Хотя Ты и во гроб сошел, Бессмертный, но уничтожил силу ада и воскрес как Победитель, Христе Боже, женщинам-мироносицам сказавший: «Радуйтесь!», и Твоим апостолам мир даруя, падшим подавая воскресение.]
Задостойник, глас 1
Ангел вопияше Благодатней: Чистая Дево, радуйся! И паки реку: радуйся! Твой Сын воскресе тридневен от гроба, и мертвыя воздвигнувый: людие, веселитеся.
[Ангел возгласил Благодатной: «Чистая Дева, радуйся! И снова скажу: Радуйся! Твой Сын воскрес в третий день из гроба, и мертвых воскресил!» Торжествуйте, люди.]
Светися, светися, новый Иерусалиме: слава бо Господня на тебе возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Твоего.
[Светись, светись, новый Иерусалим, ибо слава Господня над тобою воссияла! Ликуй ныне и веселись, Сион! Ты же, Чистая, радуйся, Богородица, о воскресении Рожденного Тобой.]

Вознесение Господа Иисуса Христа
(в 40-й день по Воскресении)
Тропарь, глас 4-й
Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.
[Ты вознесся во славе, Христе Боже наш, обрадовав учеников обещанием Святого Духа, после того, как Твое благословение утвердило их в вере, что Ты – Сын Божий, Искупитель мира.]
Кондак, глас 6-й
Еже о нас исполнив смотрение, и яже на земли соединив небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы.
[Исполнив весь замысел о нашем спасении, и соединив земнородных с небожителями, Ты вознесся во славе, Христе Боже наш, не оставляя земли, но пребывая неразлучно с нею и взывая к любящим Тебя: «Я с вами, и никто не одолеет вас!»]
Величание
Величаем Тя, Живодавче Христе, и почитаем еже на небеса с пречистою Твоею плотию Божественное вознесение.
[Прославляем Тебя, Податель жизни Христе, и почитаем на небеса с пречистою Твоею плотию Божественное вознесение.]
Задостойник, глас 5-й
Величай, душе моя, вознесшагося от земли на небо Христа Жизнодавца.
[Величай, душа моя, вознесшегося от земля на небо Христа, жизни Подателя.]
Тя паче ума и словесе Матерь Божию, в лето Безлетнаго неизреченно Рождшую, вернии единомудренно величаем.
[Тебя, непостижимо для ума и невыразимо для слова ставшую Матерью Божию, во времени Безвременного неизреченно родившую, мы, вернии, единомысленно величаем.]

Пятидесятница. День Святой Троицы
(50-й день по Воскресении)
Тропарь, глас 8-й
Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную. Человеколюбче, слава Тебе.
[Благословен Ты, Христе Боже наш, сделавший премудрыми рыбаков, ниспослав на них Духа Святого, и через них уловивший весь мир. Человеколюбец, слава Тебе!]
Кондак, глас 8-й
Егда снизшед языки слия, разделяше языки Вышний; егда же огненныя языки раздаяше, в соединение вся призва, и согласно славим Всесвятаго Духа.
[Когда, сойдя, Всевышний смешал языки, то разделил народы; когда же раздал огненные языки, то всех призвал к единству; и мы единодушно славим Всесвятого Духа.]
Величание
Величаем Тя, Живодавче Христе, и чтим Всесвятаго Духа Твоего, Егоже от Отца послал еси божественным учеником Твоим.
[Прославляем Тебя, Податель жизни Христе, и почитаем Всесвятого Духа Твоего, Которого Ты послал от Отца божественным ученикам Твоим.]
Задостойник, глас 4-й
Радуйся, Царице, матеродевственная славо: всяка бо удобообращательная благоглаголивая уста витийствовати не могут, Тебе пети достойно; изумевает же ум всяк Твое Рождество разумети. Темже Тя согласно славим.
[Радуйся, Царица, преславная Мати-Дева! Никакие искусные, красноречивые уста не могут так витийствовать, чтобы Тебя воспевать по достоинству, и всякий ум изумляется, пытаясь постигнуть рождение Тобою Христа; потому мы Тебя согласно славим.]

9/22 мая
Перенесение мощей святителя и чудотворца Николая
Тропарь, глас 4-й
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей святителя и чудотворца Николая, якоже солнце незаходимое возсия, светозарными лучами, разгоняя тьму искушений же и бед от вопиющих верно: спасай нас яко предстатель наш, великий Николае.
[Наступил день светлого торжества, радуется град Бары, и с ним весь мир ликует с гимнами и песнями духовными: ибо в сей день священное торжество перенесения досточтимых и многоцелебных мощей святителя и чудотворца Николая, как солнце незаходящее воссияло светозарными лучами, отгоняя тьму искушений и несчастий от всех взывающих с верою: «Спасай нас, как предстатель наш, великий Николай!»]

11/24 мая
Святых равноапостольных
Мефодия и Кирилла, учителей Словенских
Тропарь, глас 4-й
Яко апостолом единонравнии и словенских стран учителие, Кирилле и Мефодие богомудрии, Владыку всех молите, вся языки словенския утвердити в Православии и единомыслии, умирити мир, и спасти души наша.
[Апостолам единомысленные и славянских народов учителя, Кирилл и Мефодий богомудрые, Владыку всех молите утвердить все народы славянские в православной вере и единомыслии, даровать мир миру и спасти души наши.]
Величание
Величаем вас, святии равноапостольнии Мефодие и Кирилле, вся Словенския страны ученьми своими просветивших и ко Христу приведших.
[Прославляем вас, святые равноапостольные Мефодий и Кирилл, все славянские народы просветившие своим учением и ко Христу их приведшие.]

21 мая/3 июня
Сретение Владимирской иконы Божией Матери
(Тропарь этот также поется 23 июня и 26 августа)
Тропарь, глас 4-й
Днесь светло красуется славнейший град Москва, яко зарю солнечную восприемши, Владычице, чудотворную Твою икону, к нейже ныне мы притекающе и молящеся Тебе взываем сице: о пречудная Владычице Богородице, молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша яко милосерд.
[Ныне светло торжествует славнейший град Москва, как зарю солнечную, приняв, Владычица, чудотворную Твою икону, к которой ныне прибегая и молясь Тебе, мы так взываем: «О, пречудная Владычица Богородица! Молись к рожденному от Тебя Христу Богу нашему, да сохранит град сей и все города и страны христианские от всех козней вражеских град и спасет души наши, как Милосердный».]

24 июня/7 июля
Рождество св. Иоанна Предтечи
и Крестителя Господня
Тропарь, глас 4-й
Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.
[Пророк и Предтеча пришествия Христова, мы, с любовью почитающие тебя, недоумеваем, как достойно восхвалить тебя: ибо бесплодие родившей и немота отца разрешились преславным и святым твоим рождением, и о воплощении Сына Божия миру возвещается.]
Кондак, глас 3-й
Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
[Прежде неплодная ныне Христова Предтечу рождает, и он - исполнение всех пророчеств: ибо, возложив руку во Иордане на Того, Кого пророки предвозвестили, явился пророком Слова Божия, проповедником и вместе с тем Предтечею.]
Величание
Величаем тя, Предтече Спасов Иоанне, и чтим еже от неплодове преславное рождество твое.
[Прославляем тебя, Предтеча Спасителя Иоанн, и почитаем преславное Твое рождение от неплодной матери твоей.]

26 мая/8 июня
Явление Тихвинской иконы Божией Матери
Тропарь, глас 4-й
Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже великая Россия, яко некий дар Божественный свыше благоговейне восприемши, прославляет Тя Богомати всех Владычицу, и от Тебе рождшагося Христа Бога нашего величает радостно. Емуже молися, о Госпоже Царице Богородице, да сохранит вся грады и страны христианския невредимы от всех навет вражиих, и спасет верою покланяющихся Его Божественному и Твоему Пречистому образу, Дево неискусобрачная.
[Ныне, как солнце светлейшее, воссияла нам на воздухе несомая всеславная икона Твоя, Владычица, лучами милости Твоей мир просвещая; ее великая Россия, благоговейно приняв, как некий дар Божественный свыше, прославляет Тебя, Богомати, всех Владычицу, и от Тебя родившегося Христа Бога нашего радостно восхваляет. Ему же молись, Госпожа Царица Богородица, да сохранит Он все города и страны христианские невредимыми от всех козней вражеских и спасет с верою покланяющихся Его Божественному и Твоему Пречистому образу, Дева брака не познавшая.]

29 июня/12 июля
Святых первоверховных апостолов
Петра и Павла
Тропарь, глас 4-й
Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.
[Первенствующие из апостолов и Вселенской Церкви учителя, Владыку всех молите мир миру даровать и душам нашим великую милость.]
Кондак, глас 2-й
Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси, паче всякаго всеплодия, Едине сведый сердечная.
[Непоколебимых и богогласных проповедников, высших из Апостолов Твоих, Господи, Ты принял в наслаждение благ Твоих и покой, ибо страдания их и смерть благоволил принять как жертву, выше всякой жертвы, Единый, ведающий сердца наши.]
Величание
Величаем вас, апостоли Христовы Петре и Павле, весь мир ученьми своими просветившия, и вся концы ко Христу приведшия.
[Прославляем вас, апостолы Христовы Петр и Павел, весь мир своим учением просветивших и приведших ко Христу народы всей земли.]

15/28 июля
Память св. равноапостольного князя Владимира
Тропарь, глас 4-й
Уподобился еси купцу, ищущему добраго бисера, славнодержавный Владимире, на высоте стола седя матери градов богоспасаемаго Киева; испытуя же и посылая к Царскому граду уведети Православную веру, обрел еси безценный бисер, Христа, избравшаго тя яко втораго Павла, и оттрясшаго слепоту во святей купели душевную, вкупе и телесную. Темже празднуем твое успение, людие твои суще. Моли спастися державы твоея Российския начальником и множеству владомых.
[Ты уподобился купцу, искавшему хороших жемчужин, могущественный властитель Владимир, восседая на высоком престоле матери городов, – богоспасаемого Киева; испытывая и посылая послов в Царьград узнать о православной вере, обрел ты бесценный жемчуг – Христа, избравшего тебя, как второго Павла, и избавившего во святой купели от слепоты духовной, вместе с ней и телесной. Потому мы, люди твои, празднуем твое успение. Моли о спасении в державе твоей Российской правителей и множества ее граждан.]
Кондак, глас 8-й
Подобствовав великому апостолу Павлу, в сединах, всеславне Владимире, вся, яко младенческая мудрования, яже о идолех тщания оставль, яко муж совершенный, украсился еси Божественнаго Крещения багряницею; и ныне Спасу Христу в веселии предстоя, моли спастися державы Российския начальником и множеству владомых.
[Уподобляясь великому апостолу Павлу, в зрелых летах, ты, славный Владимир, отверг заботы об идолослужении, как детскую забаву, и, как муж совершенный, украсился порфирою Божественного Крещения. И ныне, в радости предстоя Христу Спасителю, моли Его о спасении в державе твоей Российской правителей и множества ее граждан.]

20 июля/2 августа
Память святого славного пророка Илии
Тропарь, глас 4-й
Во плоти ангел, пророков основание, вторый предтеча пришествия Христова, Илия славный, свыше пославый Елисееви благодать, недуги отгоняти, и прокаженныя очищати. Темже и почитающим его точит исцеления.
[Ангел во плоти, пророков основание, второй предтеча пришествия Христова, Илия славный, свыше пославший Елисею благодать недуги отгонять и очищать прокаженных. Потому и почитающим его источает исцеления.]
Величание
Величаем тя, святый славный пророче Божий Илие, и чтим, еже на Небеса на колеснице огненней преславное восхождение твое.
[Прославляем тебя, славный пророк Божий Илия, и чтим на Небеса на колеснице огненной преславное восхождение твое.]

6/19 августа
Преображение Господа нашего Иисуса Христа
Тропарь, глас 7-й
Преобразился еси на горе, Христе Боже, показавый учеником Твоим славу Твою, якоже можаху, да возсияет и нам грешным свет Твой присносущный, молитвами Богородицы, Светодавче, слава Тебе.
[Ты преобразился на горе, Христе Боже, показав ученикам Твоим славу Твою, насколько они могли ее видеть. Да воссияет и нам, грешным, свет Твой вечный по молитвам Богородицы. Податель света, слава Тебе!]
Кондак, глас 7-й
На горе преобразился еси, и якоже вмещаху ученицы Твои, славу Твою, Христе Боже, видеша: да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние.
[На горе Ты преобразился, Христе Боже, и ученики Твои видели славу Твою, насколько они могли воспринять, чтобы, когда увидят Тебя распинаемым, уразумели, что страдание Твое добровольное и возвестили миру, что Ты воистину есть Отчее сияние.]
Величание
Величаем Тя, Живодавче Христе, и почитаем пречистыя плоти Твоея преславное преображение.
[Прославляем Тебя, Христе Податель жизни, и почитаем пречистого Твоего тела преславное преображение.]
Задостойник, глас 4-й
Величай, душе моя, на Фаворе преобразившагося Господа.
[Величай, душа моя, Господа, преобразившегося на горе Фаворе.]
Рождество Твое нетленно явися, Бог из боку Твоею пройде, яко Плотоносец явийся на земли, и с человеки поживе. Тя, Богородице, тем вси величаем.
[Рождение от Тебя было непорочным; Бог от чрева Твоего произошел, явился в человеческой плоти на земле и жил вместе с людьми; потому Тебя, Богородица, все мы величаем.]

15/28 августа
Успение Пресвятой Богородицы
Тропарь, глас 1-й
В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.
[При рождении Христа Ты, Богородица, сохранила девство и по преставлении не оставила мира; Ты перешла к вечной жизни, Мати Жизни, и молитвами Твоими избавляешь от смерти души наши.]
Кондак, глас 2-й
В молитвах неусыпающую Богородицу и в предстательствах непреложное упование, гроб и умерщвление не удержаста: якоже бо Живота Матерь, к животу престави во утробу Вселивыйся приснодевственную.
[В молитвах неутомимую Богородицу и в ходатайствах непоколебимую надежду гроб и смерть не в силах были удержать в своей власти: ибо Ее, как Матерь Жизни, переселил к жизни Обитавший в Ее вечно девственной утробе.]
Величание
Величаем Тя, Пренепорочная Мати Христа Бога нашего, и всеславное славим Успение Твое.
[Величаем Тебя, Пренепорочная Матерь Христа Бога нашего, и всеславное славим Успение Твое.]
Задостойник, глас 1-й
Ангели Успение Пречистыя видевше, удивишася, како Дева восходит от земли на небо.
[Ангелы, увидев Успение Пречистой, удивились: как Дева восходит от земли на небо?]
Побеждаются естества уставы в Тебе, Дево чистая, девствует бо рождество, и Живот предобручает смерть; по рождестве Дева, и по смерти жива, и спасаеши присно, Богородице, наследие Твое.
[Побеждены законы природы на Тебе, Дева Чистая: в рождении девство сохраняется и со смертью сочетается жизнь; по рождении – Дева и по смерти – живая, и спасаешь всегда, Богородица, наследие Твое.]

16/29 августа
Празднование перенесения
Нерукотворенного Образа Спасителя
Тропарь, глас 2-й
Пречистому Твоему образу покланяемся, Благий, просяще прощения прегрешений наших, Христе Боже: волею бо благоволил еси плотию взыти на Крест, да избавиши яже создал еси от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.
[Пречистому Твоему Образу поклоняемся, Благой, прося прощения грехов наших, Христе Боже: ибо добровольно благоволил Ты плотью взойти на Крест, чтобы избавить созданных Тобою от рабства врагу. Потому благодарственно взываем Тебе: «Радостью Ты всех исполнил, Спаситель наш, пришедший спасти мир».]

29 августа/11 сентября
Усекновение главы Предтечи
и Крестителя Господня Иоанна
Тропарь, глас 2-й
Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость.
[Память праведника чтится похвалами, тебе же, Предтеча, достаточно свидетельства Господня, ведь явился ты поистине из пророков славнейшим, ибо удостоился в струях крестить Проповеданного. Потому, за истину пострадав с радостью, благовествовал ты и находящимся в аде о явившемся во плоти Бога, взявшем на Себя грехи мира и подающим нам великие милости.]
Кондак, глас 5-й
Предтечево славное усекновение, смотрение бысть некое Божественное: да и сущим во аде Спасово проповесть пришествие. Да рыдает убо Иродия, беззаконное убийство испросивши: не закон бо Божий, ни живый век возлюби, но притворный, привременный.
[Предтечи славное усекновение совершилось по особенному Божественному замыслу, чтобы и находящимся во аде он возвестил о пришествии Спасителя. Да восплачет же Иродиада, беззаконное убийство испросившая, ибо не закон Божий она возлюбила, не жизнь вечную, но жизнь призрачную и временную.]
Величание
Величаем тя, Крестителю Спасов Иоанне, и почитаем вси честныя твоея главы усекновение.
[Прославляем тебя, Креститель Спасителя Иоанн, и все почитаем священной твоей главы отсечение.]


Праздники и Пасхалия